ოთარ კობერიძე

17.12.1924, თბილისი - 9.03.2015, თბილისი საქართველოს დამსახურებული არტისტი (1958). საქართველოს სახალხო არტისტი (1977). 1942–1943 წლებში სწავლობდა კინოსტუდიის სკოლაში. დაამთავრა სამთვიანი საარტილერიო კურსები, იღებდა მონაწილეობას ბრძოლებში ბუქარესტის, ბუდაპეშტის, ვენის, ბერლინის ასაღებად. 1948 წელს დაამთავრა თბილისის შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი. 1949-1956 წლებში მუშაობდა სოხუმის დრამატულ თეატრში მსახიობად. 1959–1964 წლებში იყო კოტე მარჯანიშვილის სახელობის თეატრის მსახიობი. 1956 წლიდან მუშაობს მსახიობად , ხოლო 1963 წლიდან რეჟისორად კინოსტუდია "ქართულ ფილმში". ბათუმში ზ. ცინცაძესთან ერთად დაარსა "ხელოვნებათა ლიგა", რომელსაც თვითონ თავმჯდომარეობს.